Kraistavunda KadaliRavayya

క్రైస్తవుండా కదలిరావయ్యా కలుషాత్ములకు ఈ సిలువశక్తిని చాటవేమయ్యా ఎండ వానలనియు జడిసి ఎంతకాలము మూలనుందువు  ||2||
కండలను ప్రేమింతువేమయ్యా ఈ మట్టి కండలు ఎంత పెంచిన మట్టికేనన్నా

1. వసుధలో ప్రజలెల్లరు యేసు వాక్యంబు విని క్షుద్బోదగొని వాదించు చుండగను మిషనులెల్ల మిషలచేత మిట్టపడుచు వాదములచే యేసు బోధను మరచినారన్నా నీవెంత కాలము వారి చెంత వుందువోరన్నా ||క్రైస్తవుండా||

2. సత్య వాక్యము సంతలో దులిపి భోదకుల దొరల భత్యములపై భాంతులు నిలపి – చిత్తమగు అనుకూల బోధలు చేసి ప్రజల మోసగించే – సూత్రదారుల చేరరాదయ్య – సుఖ భోగమిడిచి సత్య వాక్యము చాటరావయ్యా  ||క్రైస్తవుండా||

3. శక్తిహీనుడవందు వేమయ్యా సౌజన్యమగు శుద్ధాత్మ శక్తిని పొందుకొనుమయ్యా – భక్తిహీనత పారద్రోలి భష్ట మనసు బయలు పరచి – శక్తితో సువార్త చాటుదువు సువార్తచే జయమొంది ఆత్మల రక్షించెదవు  ||క్రైస్తవుండా||

4. నీతికై భక్తాది పరులెల్లా – నిజ విశ్వాసము నిలుపుకొన పోరాడిరే చాలా –    కత్తిపోటులు  రాళ్ళ దెబ్బలు కరుకుగల రంపములు కోతలు  -బెత్తముల కొరడాల దెబ్బలు పైబడి చేర్చే దేహము వాలలాడెను రక్తము భూమిపై ||క్రైస్తవుండా||

5. దూతలకు లేనట్టి పరిచర్య ఓ ప్రియ సఖుడా ఖ్యాతిగా నీకిచ్చె గ్రంధంబు – ఖేతీయుల వినుము గ్రంధము తేనెవలె మధురముగా నుండును  – జ్ఞానము నీకబ్బునో హితుడా జ్ఞానంబు నొంది స్వామిని సేవించుమో సఖుడా ||క్రైస్తవుండా||

6. ఆది సంఘము నార్పుటకునేంచి – ఆ దుష్ట నీరో అధిపతి చెలరేగి గర్వించి – ఆది క్రైస్తవ భక్తుల స్థంభముల గట్టి తారు పూసి అగ్నిని ముట్టించి కాల్వంగ –
ఆ సంఘమొచ్చె అధిపతి అప్పుడే నశియించే  ||క్రైస్తవుండా||

Pilachuchunnadu

పిలచుచున్నాడు ప్రియమైన యేసు
పరిశుద్ధ స్థలమునకు ఎంత పాపివైనా
ప్రేమించినాడు నీ జీవితమును
ఏ భేదము లేక వేగమే రారండి
నీవు నీ ఇంటి వారు నీతోనే ఉండువారు
నిజమైన దేవుడని విశ్వసించుటకు ||పిలచు||

1. వెలుగై యున్నవాడు నీ చీకటి తొలగిస్తాడు
మంచి గంధపు మాటలు నీ మదిలో కురిపిస్తాడు
రా .. ఏ రోగివైననూ నీ పాపాలు కడుగును
మారుమనస్సు పొంది ప్రేమ కలిగియుండి
ప్రభుయేసు దేవుడని సాక్ష్యమిచ్చుటకు ||పిలచు||

2. మేడి చెట్టు ఎక్కి మరుగై యుండలేవు
యేసు వచ్చు వేళ నిదురించకు ప్రభుని మరచి
రా .. దిగి రమ్ము క్రిందకి ఏ అధికారివైననూ – యేసు నీ యింటికి వచ్చి
నేడే రక్షణ ఇచ్చి- పరలోక రాజ్యములో నిన్ను చేర్చుటకు ||పిలచు||