Naa Oohakandanidi

ప్రేమా – ప్రేమా – యేసు ప్రేమ
*నా ఊహకందనిది నన్ను ఆదరించినది
వర్ణింపజాలనిది నాపై నీకున్న ప్రేమ |2|
1.ఆదరణ కొదువై నేను అల్లాడి పోచుండగను
ఆదరణ కర్తవై నన్ను ఓదార్చితివా |2|
నావాళ్ళు చూపని  ప్రేమ, నన్ను విడనాడని ప్రేమ|2|
నా కొరకు త్యాగమైన నా యేసు రక్షకా
||నా ఊహకందనిది నన్ను ఆదరించినది||
2.పాపినై నేనుండగ పాపములో పడియుండగ
పాపంబు బాపుటకు ప్రాణమే ఇచ్చితివా|2|
నా కొరకు రక్తము కార్చి, నా కొరకు సిలువను మోసి
నా కొరకు బలియైన నా ప్రాణ రక్షకా
||నా ఊహకందనిది నన్ను ఆదరించినది||
3.శోధనలు ఎన్నెదురైనా శ్రమలలో నే పడియున్నా
నిన్ను నే వీడను నా యేసురాజా |2|
నా చేయి విడవకుమా, నాతోడు విడనాడకుమా|2|
నీతోనె కొనసాగెదను  నా ఆత్మ రక్షకా
||నా ఊహకందనిది నన్ను ఆదరించినది||